Потпишан Меморандум за соработка помеѓу Доброволната планинска спасителска служба “Осогово” од Кочани и Планинската спасителска служба од Ќустендил, Бугарија.

Потпишан e Меморандум за соработка помеѓу Доброволната планинска спасителска служба “Осогово” од Кочани и Планинската спасителска служба од Ќустендил, Бугарија. Двете служби ќе работат на размена на искуства и знаења. За почеток Планинската спасителска служба од Ќустендил на колегите од Кочани им донираше дел од потребната опрема.
Настанот се одржа денеска на Пониква, во Инфо центарот на Општина Кочани.
Меморандумот за соработка го потпишаа претседателите на доброволните планински спасителски служби од Кочани и Ќустендил – Гоце Исајов и Антони Бошков.

Домаќинот, кочанското Доброволно планинско спасувачко друштво “Осогово” беше одличен организатор на овој настан, кој е во насока на развојот на туризмот на Пониква.