Жена од Кочани нападнала судски доставувач и му го оштетила автомобилот

Триесет и шестгодишна жена, со иницијали Б. Ј. од Кочани, нападнала судски доставувач.

Од МВР информираа дека нападот се случил додека вработениот се обидел да ѝ достави службени материјали.

„Жената физички го нападнала и со остар предмет му го оштетила возилото“, велат од полицијата.

Против неа поднесена е кривична пријава за спречување службено лице во вршење службено дејство.