Вие сте на официјалниот портал на Радио Кочани.
Жителите од улиците „Тоше Проевски“, „Скопска“ и останатите улици во населбата околу Панаѓурот во Кочани јавно реагираат дека веќе петти ден по ред, секојдневно по 17 часот, остануваат без вода.
Тие прашуваат зошто редовно се соочуваат со прекин во водоснабдувањето, иако, како што наведуваат, навремено ги подмируваат сметките за вода.
Во својата реакција посочуваат дека не се чувствуваат рамноправно третирани и бараат од надлежните институции конечно да понудат трајно решение за проблемот, кој, според нив, се повторува речиси секое лето.
Жителите апелираат до локалната самоуправа и до надлежното јавно претпријатие да ја информираат јавноста за причините за прекините и да преземат итни мерки за нормализирање на водоснабдувањето.