Вие сте на официјалниот портал на Радио Кочани.
Советничката група „ДОСТА БЕШЕ“ при Советот на Општина Кочани успешно ја реализираше акцијата за расчистување и уредување на зеленилото околу Спомен домот АСНОМ, на која се приклучија граѓани и претставници на здруженија од градот.
Со заеднички труд и ангажман, учесниците работеа на расчистување на просторот и уредување на зелените површини околу Спомен домот, придонесувајќи за почиста и поуредена животна средина.
Од советничката група „ДОСТА БЕШЕ“ додадоа дека ваквите иницијативи се доказ дека граѓаните се подготвени активно да се вклучат во подобрувањето на заедничките јавни простори.