Утревечер ОМУ „Ристо Јуруков“ организира концерт на наградените ученици 

Учениците од ОМУ „Ристо Јуруков“ Кочани кои во текот на учебната година освоија награди и признанија на натпревари и музички манифестации, утревечер ќе настапат на свечен концерт пред кочанската публика.

На концертот ќе бидат изведени дел од најуспешните музички настапи, а посетителите ќе имаат можност да го слушнат „најдоброто од најдобрите“ од учениците на музичкото училиште.

Концертот ќе се одржи утре со почеток во 19:00 часот во Мултикултурен центар Кочани.

Од училиштето упатуваат покана до сите љубители на музиката да присуствуваат и да ги поддржат младите таленти.