Вие сте на официјалниот портал на Радио Кочани.
Неизвесно е дали овогодинешниот традиционален Кочански панаѓур ќе се одржи во планираниот период од 6 до 9 ноември. Причината е неуспешното спроведување на две јавни наддавања за организатор, на кои се пријавила само една фирма што понудила пониска цена од предвидената.
Поради тоа, останува неизвесно дали воопшто ќе се реализира настанот што секоја година привлекува голем број посетители и трговци од целата околина.
Во меѓувреме, КЈП „Водовод“ остана без директор, бидејќи истече шестмесечниот мандат на досегашниот вршител на должност, Мирче Паунов.
Ситуацијата е дополнително комплицирана затоа што Општина Кочани во моментов нема градоначалник, поради одржувањето на локалните избори, па нема институција со надлежност да назначи нов вршител на должност директор на претпријатието.