Вие сте на официјалниот портал на Радио Кочани.
По успешната септемвриска програма исполнета со активности за млади, Јуроп хаус ја продолжува есенската културна и едукативна програма во Кочани.
Во текот на октомври, програмата ќе се реализира во соработка со Националната установа Центар за култура „Бели Мугри“ – Кочани како и со “SupportKochani”, со цел да се придонесе кон културниот живот во градот и да се овозможат нови содржини за граѓаните, се наведува во известувањето на Јуроп хаус.
Октомвриската програма ќе опфаќа три претстави:
• 25 октомври – 20:00 часот
„Синиот портокал“ – Театар „Јордан Хаџи Константинов – Џинот“ од Велес
• 27 октомври – 13:00 часот
„Црвенкапа“ – Театар за деца и младинци од Скопје
• 29 октомври – 20:00 часот
„Сите прекрасни нешта“ – Народен театар Штип
Настаните ќе се одржат во Национална установа Центар за култура „Бели Мугри“ – Кочани, а влезот е бесплатен.
Со оваа програма, Јуроп хаус останува посветен на поддршката на културните иницијативи во Кочани.