Вие сте на официјалниот портал на Радио Кочани.
Во знак на поддршка и солидарност, Општина Зрновци обезбедува хуманитарна помош во вредност до 50.000 денари, составена од флаширана вода и конзервирана храна, како поддршка за сите храбри луѓе кои се борат со пожарите и ја штитат природата и животите.
Општина Зрновци се приклучува на хуманитарната акција за поддршка на хероите на теренот – пожарникарите, волонтерите и сите ангажирани екипи кои се борат со огнената стихија во општина Берово – бисерот на Источна Македонија и белите дробови на Татковината.
Како претседател на Источно-планскиот регион, градоначалникот на Општина Зрновци упатува јавен апел до сите градоначалници на 11-те општини – членки на Советот, да го следат овој пример и да се вклучат безрезервно, не само преку хуманитарна акција, туку и со механизација, расположливи материјално-технички средства и човечки ресурси, во поддршка на напорите за справување со огнената стихија.