Вие сте на официјалниот портал на Радио Кочани.
Младиот талент од Кочани, Владимир Грчев, повторно блесна и ни покажа што значи вистински успех!
На 29. Македонска јуниорска математичка олимпијада (ЈММО), што се одржа на 18 мај на Природно-математичкиот факултет (ПМФ) во Скопје, тој го освои златен медал, со што, уште еднаш потврди дека неговото име е синоним за знаење и посветеност.
Овој нов триумф доаѓа само еден месец по неговиот златен медал по информатика, што ја прави неговата деветтоодделенска учебна година навистина блескава.
Неговата љубов кон науката, макотрпната работа и упорноста се препознаваат во секој негов успех.
Постигнувањата на Владимир се гордост не само за неговото семејство и училиште, туку и за целиот град Кочани.
Тој е инспирација за многу млади, доказ дека талентот, кога е придружен со труд, секогаш наоѓа пат до врвот. Честитки, Владимир! Продолжи да не радуваш и инспирираш – иднината е твоја!