Вие сте на официјалниот портал на Радио Кочани.
Денеска е свето Благовештение, или меѓу народот попознато како Благовец.
На денешен ден, ангелот Гавриил се јави на Пресвета Дева во архангелска светлина и рече: „Радувај се, благодатна! Господ е со Тебе!“ Со оваа архангелска благовест и со слегувањето на Светиот Дух врз Пречистата Дева, започна спасението на луѓето и обновата на созданието. А историјата на Новиот Завет значи радост за човештвото и за сета твар.
Денес е почеток на нашето спасение и откривање на вечната тајна: Синот Божји станува Син на Дева, и Гаврил објавува блага вест. Затоа и ние да извикаме кон Богордица: Радувај се, Благодатна, Господ е со Тебе!