Вие сте на официјалниот портал на Радио Кочани.
Возачките дозволи со старото име, треба да се заменат до први јануари 2025 година. Доколку возачите тоа не го сторат и продолжат да возат со возачки со старото име и доколку бидат застанати од сообраќајната полиција, ќе треба да платат казна.
Според Законот за безбедност на сообраќајот на патиштата, прекршочен патен налог и казна во износ од 100 евра ќе добие возачот доколку биде фатен со неважечка возачка дозвола.
Министерството за внатрешни работи ги потсетува граѓаните дека важноста на возачките дозволи со старото уставно име, согласно со промената на законот за безбедност во сообраќајот, е заклучно со 31.12.2024 година.
Министерството ги повикува сите граѓани кои се уште имаат возачка дозвола со старото уставно име, да ја обноват својата возачка дозвола, до истекот на рокот, со цел да не се создаваат непотребни гужви.