Вие сте на официјалниот портал на Радио Кочани.
Од утринава во гаснењето на пожарот кај Пехчево се вклучени два полициски хеликоптера. Состојбата е алармантна бидејќи на Буковик каде што гори, има силен ветер.
Во гасењето се вклучени повеќе од сто лица, професионални пожарникари, доброволци, вработени во Македонски шуми, жители на Пехчево и соседните села.
Информациите од теренот велат дека вчера попладне доброволците во џипот што изгоре ги спасила нивната смиреност и снаодливост.
Во возилото биле четири лица и тие, практично, биле првите што отишле на Буковик откако било забележано дека повторно гори над Пехчево. На црниот шумски пат огнот брзо ги опкружил, по што тие го напуштиле возилото и се оддалечиле од него. За кратко дошло до експлозија и делови од џипот и противпожарна опрема летале и по дваесетина метри. Четворицата останале неповредени.
Денеска е поставен базен со вода на фудбалското игралиште во Пехчево наменет за хеликоптерите.
Борбата со огнената стихија продолжува.