Вие сте на официјалниот портал на Радио Кочани.
Во организација на Црвен крст на Р. С. Македонија – Општинска организација Кочани, а во соработка со Институтот за трансфузиона медицина Скопје, вчера во просториите на Црвениот крст се одржа редовна мајска крводарителска акција наменета за граѓанството.
На акцијата крв даруваа 50 крводарители од нив 3 првократни и 30 лица до 30 годишна возраст.
Акцијата е шеста што годинава ја спроведува Црвен крст Кочани.
Граѓаните може да даруваат крв секој понеделник и четврток во Службата за трансфузиона медицина – Кочани или секој последен четврток во месецот во просториите на ОО на Црвен крст-Кочани.