Вие сте на официјалниот портал на Радио Кочани.
ОУ „Свети Кирил и Методиј“ – Кочани, синоќа во пресрет на Денот на сесловенските просветители, го одбележа патрониот празник.
Присутните уживаа во богатата програма подготвена од учениците и вработените на училиштето.
На многубројната публика се обрати в. д. директорката Христина Симова Јовановска, која ја прогласи првенката на генерацијата Јована Карова и пофалената ученичка Тамара Атанасова.
Беше доделена и диплома за натпросечни резултати по предметот Информатика на ученикот, Владимир Грчев.
Многубројната публика ги проследи настапите на училишниот хор, кратката драматизација и музичко-ритмичките точки, на тема „Во светот на анимираните филмови и бајките“
