Вие сте на официјалниот портал на Радио Кочани.
Уписот во списокот за набавка на огревно дрво преку Здружението на пензинерите од Кочани е веќе при крај.
Огревното дрво највозрасните жители од Општината ќе го плаќаат на рати, а сите што се пријавиле дрвата за огрев ќе ги добијат до крајот на септември, најави денеска Јелица Зафирова, претседателка на кочанското Здржение на пензионерите непосредно пред почетокот на редовното Годишно собрание.
На Собранието делегатите расправаа за повеќе прашања предвидени со дневниот ред. Беше усвоена програмата за работа за тековната година и финансискиот план со кој тие активностите ќе бидат „покриени“. Истовремено од делегатите беа прифатени извештајот за работа за претходната 2023 -та година и завршната сметка, исто така, за претходната година.