Вие сте на официјалниот портал на Радио Кочани.
Жителите на една од најстарите населби во Кочани, Стришани, ја продолжуваат децениската традиција. И денеска со црковно – народен собир го одбележаа православниот празник свети Архангел Михаил, кого го сметаат за свој заштитник.
Се собраа кај чешмата во Стришани во чест на својот светител. Со свeчената литургија чиноначалствуваше свештеник од црквата во Кочани ” Св. Великомаченик Ѓорги”
После кршењето на славскиот колач кумството за следната 2024 година го прифати Димче Андонов, кој исто така како и овогодишниот кум, Влатко Симеонов, потекнува од старо стришанско семејство.
На сите православни верници во Кочани и посебно на стришанчани, Радио Кочани им го честита свети Архангел Михаил. Празникот нека е вечен !
© 2024 Текстовите и другите содржини се сопственост на Радио Кочани. Секое нивно целосно или делумно преземање, користење или реемитување е дозволено само со претходна согласност од сопственикот.