Вие сте на официјалниот портал на Радио Кочани.
Денеска освен граѓаните и еко активиститите од Кочани кон протестот се приклучија пчеларите и археолозите, сите заедно против изградбата на мини хидроцентралата на Мала Река и против користењето на локалниот патен правец до браната Гратче. Со транспаренти и целосна блокада на патот тие го изразија револтот што со градежните работи за хидроенергетскиот објект ќе се наруши биодиверзитетот во неговата околина, а од тешките товарни возила се уништува и патот до рекреативното подрачје во близина на градот.
По протестите донесена е забрана за работа и градежни активности на хидроцентралата во наредните 60 дена заедно со наредба да си го соберат шутот.
Протестите и блокирањето на патниот правец ќе продолжуваат и во Среда , сè додека не се стави забрана за користење на асфалтниот коловоз и додека повторно не се разгледа целокупната документација за изградба на минихидроцентралата.
Д.Михајлов