Вие сте на официјалниот портал на Радио Кочани.
Завршува асфалтирањето на улицата 1. Мај во Спанчево
Во Општината Чешиново – Облешево се финализираат градежните работи од проектот за реконструкција на улицата 1. Мај во селото Спанчево.
Според информациите од Општината, до крајот на денот треба да заврши поставувањето асфалт во должина од 680 метри од улицата. За овој инфраструктурен проект обезбедени се 8, 8 милиони денари од Владата преку кредитот од Унгарија. Улицата 1. Мај во селото Спанчево е изградена во почетокот на деведесетите години и сега прв пат се реконструира.
–Реализираме уште еден значаен проект за подобрување на патната инфраструктура.Оваа инвестиција ке придонесе за побезбедно и поквалитетно движење на сите учесници во сообраќајот. Истовремено ќе ги подобри услови за секојдневниот живот на жителите во Спанчево и Општината, рече за Радио Кочани градоначалникот Јорданче Костадинов.
