Вие сте на официјалниот портал на Радио Кочани.
Општина Кочани и Асоцијацијата на новинари од Кочани го реализираа изборот на најдобрите спортисти за изминатата година.
За Спортист на годината за 2025 година е избран Даријан Павлев, член на Боречкиот клуб „Спартак“.
Второпласиран е Филип Стојанов од Карате клубот „Партизан“, а на третото место се најде каратистката Наталија Карова од Карате клубот „Кочани“.
Во категоријата Млади надежни спортисти беа избрани сите предложени кандидати.
За Најдобра екипа е избрана ЖФК „Кочани“, додека Игор Каров, тренер на Карате клубот „Кочани“, е избран за Најдобар тренер.
За Најдобар спортски работник е избран Оливер Јовановски.
Специјална постхумна награда ќе му биде доделена на Андреј Лазаров од Оризари, фудбалер, кој животот го загуби минатата година во пожарот во „Пулс“.
Свеченото доделување на признанијата во рамки на манифестацијата „Спортист на годината“ ќе го организира ОФС – Кочани, а за датумот и местото јавноста ќе биде дополнително информирана.