Вие сте на официјалниот портал на Радио Кочани.
Советот на Општина Виница на денешната втора седница ја донесе значајната Одлука за финансиска поддршка на семејствата со новороденчиња, со која секое новородено бебе ќе добие еднократна помош од 6.000 денари.
Мерката има за цел да ги охрабри младите семејства и да придонесе кон подобрување на демографските трендови во општината, и претставува еден од приоритетите на Советот.
Покрај оваа одлука, на седницата беше усвоена и Одлуката за отстранување хаварисани, напуштени и нерегистрирани возила од јавните површини.
Советниците ја одобрија и Програмата за организиран дочек на Новата 2026 година.
На самиот почеток од седницата беше верифициран мандатот на советникот Имит Скопко, кој беше отсутен на претходната седница кога беа потврдени мандатите на останатите советници.
Дополнително, Советот ја изгласа и точката за изменување и дополнување на Буџетот на Општина Виница за 2025 година, односно вториот Ребаланс на Буџетот.