Вие сте на официјалниот портал на Радио Кочани.
Партијата ВМРО-ДПМНЕ денеска официјално ги објави последните пет кандидати за градоначалници за претстојните локални избори.
Посебно внимание предизвика најавата за Кочани, каде партијата ќе го поддржи натпартискиот кандидат д-р Владко Грозданов.
Имено, за разлика од другите општини каде што се предложени партиски кадри, ВМРО-ДПМНЕ соопшти дека во Кочани ќе се обедини околу кандидат кој доаѓа надвор од партиските редови, што се оценува како стратегија за поширока поддршка и поголема инклузивност.
Во објава на социјалните мрежи на ОК на ВМРО-ДПМНЕ се вели:
Чест ни е да го промовира својот кандидат за градоначалник и иден градоначалник на Кочани – др. Владко Грозданов!
Др. Грозданов е човек на чесноста, знаењето и посветеноста.
Лекар кој цел живот им служел на граѓаните, денес е подготвен да му служи и на својот град.
Веруваме дека ќе го оздрави Кочани, ќе донесе надеж, развој и стабилност.
Веруваме дека со неговата енергија и визија ќе изградиме почист, побезбеден и поправеден град.
Веруваме дека Кочани ќе добие лидер што ќе работи за сите граѓани, а не за лични интереси.
Со др. Владко Грозданов, започнуваме нова страница за Кочани – страница на надеж, чесност и иднина!
Успешно и чесно!
Објавени кандидати по општини:
- Кисела Вода – Бети Стаменкоска Трајкоска
- Старо Нагоричане – Мирослав Славковски
- Дојран – Илија Тентов
- Долнени – Сашко Велјановски
- Ранковци – Даниел Павловски