ОУ „Св. Кирил и Методиј“: СЕ ОДРЖА ЗАВРШНИОТ ДИСЕМИНАЦИСКИ НАСТАН НА ПРОЕКТОТ „СТЕМ СО ХОЛОГРАМИ“

ДЕНЕС СЕ ОДРЖА ЗАВРШНИОТ ДИСЕМИНАЦИСКИ НАСТАН НА ПРОЕКТОТ „СТЕМ СО ХОЛОГРАМИ“, реализиран во рамки на ЕРАЗМУС+ програмата на Европската Унија.

На настанот беа презентирани сите проектни активности и резултатите што произлегоа од нив, со што се одбележува завршната фаза на овој иновативен образовен проект.

Нашето училиште ООУ „Св. Кирил и Методиј“ со гордост го претстави својот победнички тим „Thermal Forces“, под менторство на наставничката Бранка Тасевска.

Учениците го демонстрираа својот труд и креативни решенија кои произлегоа од работата во рамките на проектот.

Проектот „СТЕМ со холограми“ се реализираше во партнерство со училишта и организации од Шпанија, Бугарија и Северна Македонија, овозможувајќи размена на искуства, знаења и добри практики меѓу наставници и ученици од различни земји.

Со вакви активности се поттикнува љубопитноста кај младите, развојот на иновативни идеи и примената на нови технологии во наставата, кои придонесуваат за поквалитетно образование и поголема мотивација на учениците.

ООУ „Св. Кирил и Методиј“ – Кочани