Кочанчани ја погледнаа месечината одблизу

Во Пркот на Револуцијата во Кочани синоќа Скопското астрномско друштво им овозможи на граѓаните да ја набљудуваат месечината, ретка прилика што многумина ја искористија.

Кочанчани од различна возраст преку телескоп го погледнаа единствениот  природниот сателит на Земјата и најблиско небесно тело до неа.

 Имавме идеја да ги покажеме небесните тела, но во овој период може да се види само Месечината. Сега сме два-три дена пред полна Месечина и многу убаво можат да се видат кратери – рече Радан Митровиќ, член на Скопското астрономско друштво.

Оваа активноста претставува  најава за содржините од програмата за млади „Лето во друштво“, којашто ќе трае од 11 до 23 август во организација на ЦПКА-Малинска, Општина Кочани, Локалниот младински совет – Кочани и Сапорт Кочани.