Вие сте на официјалниот портал на Радио Кочани.
Ѓорѓи, член на КПС „Осоговски Орел“, денеска требаше да го прослави својот роденеден. Но, тој животот го загуби на 16 март годинава во трагичната несреќа што се случи во дискотеката „Пулс“.
Ѓорѓи беше активен спортист и препознатлив член на клубот, познат по својата посветеност на планинарењето и спортскиот живот. Оттаму велат дека бил пример за младите и личност која секогаш покажувала иницијатива и ентузијазам.
Денес беше твој ден. Твој роденден. Во некое подобро време сигурно ќе го прославевме на некој врв. Ќе те споменуваме секој ден, беше човек од збор и голем другар на секого. Посетувај не понекогаш. Прати ни по некој знак, чувај не. А ние ќе те чуваме од заборав. Среќен роденден во вечноста НАШ Ѓорѓи. Никогаш заборавен и прежален, велат од КПС „Осоговски Орел“.