Вие сте на официјалниот портал на Радио Кочани.
На летната сцена на Центарот за култура „Бели мугри“ во Кочани вечерва ќе биде прикажан последниот филм од програмата на Патувачкото кино на МакеДокс, фестивал на креативниот документарен филм.
Од 15 – ти до денеска кочанската публика имаше можност да проследи четири филма и со своето присуство покажа дека кино проекциите на градот му недостасуваат.
„Беше предвидено вчера, сабота, 19 јули, проекција на филм да се одржи во одморалиштето на Пониква за повредените во несреќата од 16 -ти март и што се на рехабилитација таму. Но проекција немаше затоа што повредените беа во градот на лекарски контроли“, ни соопшти Дарко Набаков, које делод тимот на МакеДокс.
Проекцијата на последниот филм од Патувачкото кино на МакеДокс вечерва започнува во 21 часот на Летната сцена на ЦК „Бели мугри“.
Изборот на филмот што же биде прикажан се прави во зависност од „структурата“ на присутната публика, според возраста и интересот.