Вие сте на официјалниот портал на Радио Кочани.
В. д. градоначалникот Венко Крстевски ја прими во официјална посета на Општина Кочани амбасадорката на Хрватска, Н. Е. Нивес Тигањ.
На средбата амбасадорката се интересираше за состојбата во Кочани по трагедијата, за семејствата на загинатите, лекувањето на повредените и за потребите од соодветна поддршка.
Амбасадорката Тигањ и в. д. градоначалникот Крстевски разговараа и за можностите за промоција на туристичките капацитети на Кочани, како и за промоција и извоз на кочанскиот ориз на хрватското крајбрежје.
За таа цел, на покана на амбасадорката и на градоначалникот на Скрадин, в. д. градоначалникот Крстевски, на 12 септември ќе присуствува на фестивал на рижотото во Хрватска, каде што директно ќе разговара со бизнис-секторот за пласман на кочанскиот ориз.