Семејството Стоименовски од Кочани остана без дом додека Виолета примала хемотерапија – Помош од хуманите граѓани им е потребна час поскоро…

Тешка животна трагедија го погоди семејството Стоименовски од Кочани – нивниот дом целосно изгорел во пожар, додека тие се наоѓале во Скопје на лекарска посета.

Во моментот на несреќата, Виолета Стоименовска примала хемотерапија поради карцином на градите, со кој храбро се бори веќе некое време.

Покрај тешката здравствена состојба и ограничените финансиски можности, сега ова семејство остана и без единствениот кров над глава.

Во пожарот биле уништени сите нивни лични документи, покуќнината, облеката и основните средства за живот. Семејството апелира до сите хумани луѓе и институции да им помогнат колку што можат — со градежен материјал, облека, храна, покуќнина или финансиски средства.

Сите што сакаат да помогнат, тоа можат да го сторат на следните начини:

Адреса за лична донација: ул. „Поп Арсов Блаже“ бр. 22, Кочани

Телефон за контакт: 077 743 952

Трансакциска сметка: 300057120612554

Во моменти кога едно семејство се соочува со болест и губење на домот, најмалото дело на добрина може да направи огромна разлика.

Да покажеме солидарност и човечност – да подадеме рака тогаш кога е најпотребно.

Да бидеме хумани – секоја помош значи живот!!!