Желбата на Ице Андонов од Кочани го допре цело срце на Битола

Една искрена желба – да го донесе својот автомобил на првиот CAR SHOW во Битола – остана незаборавена. Иако животот сурово пресече, не дозволувајќи Ице Андонов од Кочани да биде физички присутен, неговиот дух, желбата и љубовта кон автомобилите беа посилни од времето и просторот.

Денес, таа негова желба стана реалност. Благодарение на неговото семејство и многубројните другари, автомобилот на Ице не само што беше дел од манифестацијата, туку ја освои и првата награда на првиот CAR SHOW во Битола.

Оваа победа не беше само за автомобилот – беше триумф на пријателството, љубовта и посветеноста. Вечна слава на Ице Андонов – херојот чие срце и страст продолжуваат да живеат преку сите што го сакаа.

Големи честитки и до организаторите на настанот, кои со беспрекорна организација и неколку искрени гестови покажаа дека ништо не е невозможно кога се сака од срце.

Извор: Babambitola.mk