Вие сте на официјалниот портал на Радио Кочани.
Асфалтирана улицата „Генерал Апостолски“
Заврши асфалтирањето на улицата „Генерал Апостолски“, сообраќајница којашто ги поврзува катастарските општини Кочани и Оризари.
Асфалтиран е крак од улицата долг 223 м, со ширина од 6,5 м, со велосипедска патека широка 1,5 м.
Градежните работи ги изведе „Коле-транс инженеринг“ од Штип.
За изградба на оваа улица Општина Кочани намени 5.760.618 денари од сопствениот буџет.
Според најавите на в. д. градоначалникот на Општина Кочани Венко Крстевски, за доуредување на улицата „Генерал Апостолски“, којашто е пробиена пред повеќе од 30 години, наредниот период ќе биде нарачана изработка на проектна документација за изградба на мост.