Вие сте на официјалниот портал на Радио Кочани.
Романот „Светот што го избрав“ на писателката, професорка и книжевна преведувачка, Калина Малеска (1975), во издание на „Или-или“, е годинашниот добитник на наградата Роман на годината, која ја доделува Фондацијата „Славко Јаневски“.
Покрај плакета и статуетка, Малеска доби и парична награда од 150 илјади денари, кои ги доделува генералниот покровител Комерцијална банка АД Скопје, веќе осма година по ред.
Свеченото врачување на наградата „Славко Јаневски“ , синоќа, во Драмски театар, се одржа по 26 пат, во џез амбиент.
Во најтесниот избор за една од најпрестижните признанија во домашната книжевност , годинава влегоа и двата романи : „Простување“ од Кица Колбе („Или-или“), и „И ѕирка и проѕирка“ од Огнена Никуљски („Антолог“).