Вие сте на официјалниот портал на Радио Кочани.
Локалната самоуправа на општина Зрновци започна со реализација на проект „Реконструкција на главен доводен цевковод на водоснабдителен систем за домаќинствата“. Проект што е од витално значење за сите домакинства во општината, кој се смета за еден од најсложените за изведба во делот на комуналната структура, имајќи ги в предвид конфигурацијата и пристапноста на теренот.
За таа цел заради инсталирање на новите соодветни цевки со потребна дебелина и јачина кои ќе дистрибуираат вода во трите населени места општината ги известува дел од домакинствата во с. Зрновци сместени јужно и западно од улицата Илинденска дека во деновите вторник и среда ќе имаат прекин во водоснабдувањето.
Со реализацијата на овој проект се решава децениски проблем на сите домакинства кај кои досегашниот цевковод предизвикуваше постојани дефекти и огромни материјално – технички средства за негова досегашна санација.
