Вие сте на официјалниот портал на Радио Кочани.
Денеска, улиците кон аеродромот Пониква беа исполнети со автомобили и искрена емоција, додека десетици возачи од Кочани, Скопје и други градови се обединија на настанот „Возиме за Павел“.
Овој собир, организиран со цел оддавање почит кон Павел, прерасна во симбол на заедништво, поддршка и љубов.
Собирот започна во 10:00 часот, а во Скопје учесниците се собираа уште од 08:30 часот на бензинската станица Макпетрол во Бејлимбегово, по што тргнаа кон источниот дел на земјата.
Патот до Пониква беше исполнет со колони возила, кои со турирање оддадоа симболичен поздрав за Павел.
На самиот настан беа поставени кутии за донации на влезовите, а учесниците со едноминутен молк оддадоа почит кон Павел, со што настанот доби уште подлабока емоционална димензија.