Вие сте на официјалниот портал на Радио Кочани.
Тим на Агенцијата за европски образовни програми и мобилност, предводен од директорот, д-р Петар Богојески, денеска го посети Основното училиште, “Св. Кирил и Методиј“.
Целта на посетата беше конкретна и институционална подршка вклучително и специјализирана обука на наставниот кадар од страна на официјални претставници на Агенцијата.
Според директорот Богојески, посетата на кочанското училиште е почеток на една поголема и сеопфатна едукативна кампања со цел ЕРАЗМУС програмите што повеќе да бидат доближени до крајните корисници.
Директорот Петар Богојески соопшти дека донел одлука средствата предвидени за репрезентација и други ексклузивитети на Национална агенција за европски образовни програми и мобилност за месец април да ги пренамени за купување училишен прибор за дел од учениците на ОУ „Кирил и Методиј“. Ова, најави тој, ќе стане пракса во Агенцијата, средствата од репрезентација секој месец да се пренаменуваат за потребите на различни училишта.