Вие сте на официјалниот портал на Радио Кочани.
ДПД Кочани водено од актуелната ситуација која ни го донесе најтешкиот предизвик од своето постоење го започнува најголемиот проект.
Носител на овој многу важен проект е нашиот докажан пријател, народот на Германија преку амбасадата на Германија во Скопје.
Уште по првите денови по трагедијата тие ни подадоа рака за поддршка, како со зборови, така и со дела.
За тоа сакаме да изразиме благодарност до нив во овие тешки времиња.
Заедничка иницијатива за проект по трагедијата во Кочани: Амбасадата придонесува со мерки за поддршка на луѓето во Кочани во справувањето со последиците од катастрофата. Тука спаѓаат психолошки обуки на наставниот кадар во основните и средните училишта и воспитувачите од градинките во Кочани.
Дополнително, експерти ќе вршат обуки за прва помош и заштита во случај на катастрофи за учениците од средните училишта во Кочани.
Партнери во спроведување на овој проект се: македонската Комора на психолози, ДПД и ТППЕ Кочани и македонскиот Црвен крст.
Договорите за донација беа потпишани вчера во рамките на фондот за Мали проекти на Амбасадата во присуство на претставничка од македонското Биро за развој на образованието и сите проект-партнери.
Освен тоа, Комората на психолози ќе обезбеди обука и психолошка помош за пожарникарите од Кочани.