Акција за озеленување на јавни површини во Кочани

Комуналните служби на Општина Кочани деновиве ги озеленуваат јавните површини.

Се садат култивирани садници од јасен, црвена слива, платан, индиски јоргован, аризонски чемпрес и макрокарпа.

Нови садници има на улицата „Тодосија Паунов“, кај ОУ „Малина Попиванова“ и на разделното зеленило; на „Димитар Влахов“ и „Бел камен“, како и на западната страна на ридот Локубија.

Зимзелените садници се засадени на места каде што неодамна се чистеа малите депонии.

Озеленувањето на јавните површини ќе продолжи и наредниов период.