Автосервисот „Топ Дизел“ отсега на нова локација – Во кругот на Еуроконтрол Облешево…

Автосервисот „Топ Дизел“, кој е еден од водечките сервиси во Кочани за поправка, одржување на автомобили и автоматски менувачи, ја заврши преселбата и отсега е на нова локација во кругот на станицата Еуроконтрол, во Облешево. Со оваа преселба, компанијата значително го зголемува капацитетот за работа, овозможувајќи уште подобра услуга за своите клиенти и нови вработувања. Новиот објект е опремен со најсовремена технологија и напредни машини, што им овозможува на вработените во сервисот да извршат поголем обем на поправки и дијагностика на секаков тип на возила.

Сопственикот Александар Герасимов за Радио Кочани изјави:

Преселбата на новата локација не само што ќе ни овозможи да обезбедиме подобра услуга за нашите верни клиенти, туку и да ги извршуваме поправките и дијагностиката на највисоко ниво, користејќи најсовремена опрема.

Благодарни сме за довербата што ни ја дадоа нашите клиенти и ги уверуваме дека ќе продолжиме да работиме со истa посветеност и професионализам, со цел да им понудиме најдобри решенија за нивните возила.“

Инаку „Топ Дизел“ продолжува да инвестира во квалитет и иновации за да обезбеди највисок стандард на услуги, задоволувајќи ги потребите на своите клиенти и обезбедувајќи брзи и прецизни решенија за сите проблеми со автомобилите.