Вие сте на официјалниот портал на Радио Кочани.
Успешно е спроведена постапка за отуѓување на градежно земјиште сопственост на Република Македонија на територијата на општина Зрновци.
По спроведеното електронско јавно надавање, беа оттуѓени 15 градежни парцели со намена А1-изградба на семејни куќи со вкупна површина од 19 000 м2 и остварен приход на општина Зрновци од 1 575 000 денари.
Жителите и посетителите на општина Зрновци го препознаваат развивањето и напредокот на општината. Интересот за купување на градежно земјиште како за индивидуално домување така и за производни капацитети од година во година расте.
Со посветено и континуирано работење во областа на урбанизмот се создаваат услови за правилно уредување на градежното земјиште, а со тоа се овозможуваат градежни парцели за сите заинтересирани правни и физички лица.
