Радио Кочани
Кочани

„Кејската улица“ во Оризари се поврзува со улицата „Ангел Донев“

640

Во тек се градежни активности за реконструкција на дел од улицата „Кеј на револуцијата“ во Оризари и нејзино поврзување со улицата „Ангел Донев“.

Стручните служби од Општина Кочани информираат дека се работи на дел со должина 60 м и ширина 7 м, каде што се градат потпорни ѕидови и се поставува армирано-бетонска плоча над постоечкиот канал за атмосферска вода, по што ќе следува асфалтирање на овој спој на двете улици.

Вкупната вредност на овој градежен зафат е 2.460.393 денари, средства од општинскиот буџет, а работите ги изведува избраниот економски оператор „Коле транс“ од Штип.

На овој дел од улицата ќе биде поставено јавно осветлување, со што новоизградената „Кејска улица“ ќе биде целосно завршена и поврзана со сообраќајниците во централниот дел на Оризари.

© 2025 Текстовите и другите содржини се сопственост на Радио Кочани. Секое нивно целосно или делумно преземање, користење или реемитување е дозволено само со претходна согласност од сопственикот.
Може ќе ви се допадне

Интернет страницата користи колачиња за да го подобри вашето искуство. Со прифаќање се согласувате со политиката на приватност колачиња. Прифаќам Повеќе