Вие сте на официјалниот портал на Радио Кочани.
На 12 декември во просториите на СУГС “Димитар Влахов” во Скопје, а во организација на Здружението на наставници хемичари и технолози од училишта со хемиско-технолошката струка – “Дијаграм”, се одржа Државниот натпревар за средни стручни училишта од хемиско – технолошката струка.
Свое учество на истиот имаше и СОУ “Љупчо Сантов” – Кочани во сите четири индивидуални категории (Тест, Презентација, Експеримент и Изработка на готов производ), како и во екипната конкуренција.
Учениците од СОУ “Љупчо Сантов”, менторирани од своите предметни наставници, успешно ги демонстрираа своите знаења и практични вештини во областа на хемијата и технологијата, при што ги постигнаа следниве значајни резултати:
Индивидуални резултати: 1. Категорија: Тест Ученичка: Надалина Грозданова, IV-7 паралелка Ментор: Ирена Димитрова Јорданова – Освоено место: 1 место
2. Категорија: Експеримент Ученичка: Иљајда Мемедова, III-8 паралелка Ментор: Борче Алексов – Освоено место: 2 место
3. Категорија: Презентација Ученик: Филип Петров, II-8 паралелка Ментор: Борче Алексов – Освоено место: 3 место
4. Категорија: Изработка на готов производ – Ученичка: Јасна Златкова, III-8 паралелка – Ментор: Борче Алексов Освоено признание: Благодарница
Екипен резултат:
СОУ “Љупчо Сантов” во екипната конкуренција – 2 место. Овие успеси се резултат на континуираниот труд и посветеност на учениците и нивните ментори, кои заеднички придонесуваат за унапредување на образовниот процес и развојот на практичните вештини во областа на хемиско-технолошката струка.
СОУ “Љупчо Сантов” продолжува да ја одржува традицијата на одлични резултати и активно учество во вакви значајни натпревари.
СОУ “Љупчо Сантов”