Малолетник од Виница криумчарел мигранти од Непал

На локалниот пат Куманово – Речица, синоќа околу 23 часот биле пронајдени девет мигранти од Непал.

„Полициски службеници од Мобилната единица од Одделот за гранични работи и миграции лишиле од слобода 17 – годишник од Виница. При преглед во возило „фолксваген кеди“, кое претходно го управувал малолетникот, а на кое биле поставени две различни кумановски регистарски таблички, биле пронајдени девет лица мигранти од Непал. Мигрантите биле сместени во Транзитен центар Табановце, а против малолетникот, по целосно документирање на случајот, ќе биде поднесена соодветна пријава“, соопшти МВР.