Радио Кочани
Кочани

Марков: Здравството во Кочани со 120.000 жители функционира само со „Упат за Скопје“

1,446

Почитувани,

„Во мало место не дај боже да се разболиш”, е главната забелешка во Македонија, а Кочани не е исклучок.

Граѓаните вон Скопје имаат ограничена здравствена заштита, но и големи пропусти, а тоа го потврдува и статистиката, но и податоците од СЗО. Владата, наместо да инвестира во болницата во Кочани и да создаде услови да се намине принципот „УПАТ ЗА СКОПЈЕ”, продолжува со нефункционални инвестиции во облик на лимени бараки во болничкиот двор.

Поразителен е фактот што кочанската болница која опслужува 120.000 граѓани кои гравитираат во овој регион да работи со само еден гинеколог. Со ова државното здравство се откажува од овие пациенти и истите бараат спас во приватните клиники ширум државата, а надвор од Кочани.

Ваквиот однос значи негрижа за жените, но и негрижа за бебињата, негрижа за наталитетот и за иднината на државата.

Воопшто не е поразлична сликата ниту во другите здравствени сектори.

Секој заслужува квалитетен и навремен здравствен третман.

Докторите, но и останатиот медицинскиот персонал даваат се од себе, но потребен е вистински однос од државата.

Почитувани,

Никогаш не било полошо, време е да се стави крај на негрижата, време е да се свртиме кон една реална грижа за здравството и за заштитата, време е да ги поразиме лошите и неодговорни политики.

© 2025 Текстовите и другите содржини се сопственост на Радио Кочани. Секое нивно целосно или делумно преземање, користење или реемитување е дозволено само со претходна согласност од сопственикот.
Може ќе ви се допадне

Интернет страницата користи колачиња за да го подобри вашето искуство. Со прифаќање се согласувате со политиката на приватност колачиња. Прифаќам Повеќе