Почна изградбата на неколку канализациски краци во Оризари

Започна реализацијата на проектот за изградба на делови од фекалната канализациска мрежа во населеното место Оризари.

По спроведената постапка за јавна набавка, потпишан е договор со изведувачот „КОП инженеринг“ и во тек е изградбата на делови од канализацијата на улицата „Маршал Тито“ во Оризари.

Со проектот е планирано да се градат седум краци од канализацискиот систем, со вкупна должина од 595 м, на различни локации во Оризари.

За оваа инвестиција се наменети 5.341.000 денари, од кои 5 милиони денари се од Министерството за животна средина и просторно планирање, а останатите се од Буџетот на Општина Кочани.