Вие сте на официјалниот портал на Радио Кочани.
Потпишан договор за реконструкција на дел од улицата „Стамен Манов“ во кочанското Ромско Маало
Градоначалникот на Општина Кочани Љупчо Папазов денеска го потпиша договорот со Институтот за истражување и анализа на политики „Ромалитико“, за реконструкција на дел од улицата „Стамен Манов“ во Кочани.
Со оваа локална акција ќе се изврши рехабилитација и реконструкција на 436 м од улицата „Стамен Манов“, на потегот од Зијата до Фабриката за вода, што ќе чини близу 5 милиони денари.
„Ромалитико“, со проектот „Заедно за просперитетна заедница“ поддржан од УСАИД, обезбедува 40 % од износот, Министерството за транспорт и врски, преку Декадата на Ромите – 1.174.000 денари, а остатокот се средства од Општина Кочани.
Рокот за реализација на реконструкцијата е шест месеци од потпишувањето на договорот.
© 2024 Текстовите и другите содржини се сопственост на Радио Кочани. Секое нивно целосно или делумно преземање, користење или реемитување е дозволено само со претходна согласност од сопственикот.