Вие сте на официјалниот портал на Радио Кочани.
Пензионерите од Кочани им се приклучија на прилепските пензионери кои вчера спонтано се собраа на протест барајќи линеарно покачување на пензиите, а не процентуално од 6, 8 отсто како што најави Владата. Кочанските пензионери утринава дојдоа пред просториите на своето Здружение кај КЈП „Водовод“. Без исклучок сите се за линеарно покачување од најмалку 3 500 денари. Предлогот на Владата го сметаат за недостоинствен, велат ни малку нема да им ја подобри состојбата. Освен линеарно покачување на пензијата бараат и да се одради минимална пензија како што се дефинираше минимална плата. Во Кочани и соседните две општини : Зрновци и Чешиново – Облешево регистрирани се над 6 000 пензионери од кои барем половината земаат пензија помала од 15 000 денари. Со најавеното зголемување на пензиите од 6, 8 проценти, оние со ниски пензии ќе добијат по околу 700 денари, а оние со повисоки по околу 2 000 денари. Изјавата е од Благој Беќарски.