Радио Кочани
Кочани

Младинска крводарителска акција во Кочани – собрани 25 крвни единици

520

АНКЕТА

Ќе има ли парламентарни избори во 2023 година?

Црвениот крст  – Општинска организација Кочани денеска ја реализираше младинската крводарителска акција на која крв даруваа 25 крводарители.

Младинската акција се реализираше со поддршка на екипа од Институтот за трансфузиона медицина – Скопје и беше наменета за ученици и вработени во средните училишта во Кочани, студенти и млади лица.

– Согласно Годишниот план за крводарување, Црвен крст Кочани ја реализира планираната младинска крводарителска акција наменета за учениците и вработените во СОУ „Љупчо Сантов“ и СОУ „Гошо Викентиев“, како и за сите студенти и млади лица од општините. Младинската акција ја реализираме во СОУ „Љупчо Сантов“ со цел да бидеме поблиску до младите и со тоа да им овозможиме за прв пат да даруваат крв и да се приклучат во големото семејство на крводарители – истакнаа од Црвен крст – Кочани.

На младинската акција најголем дел од дарителите даруваа крв за прв пат. Акцијата беше 21 – по ред што годинава ја реализира Црвениот крст . Во текот на годината Црвен крст – Кочани  реализира две младински крводарителски акции, најчесто напролет и наесен.
До крајот на календарската година планирано е да се реализираат уште две крводарителски акции и тоа во Општина Зрновци и редовната граѓанска акција, последниот четврток во месецот во Црвен крст – Кочани.
Може ќе ви се допадне

Интернет страницата користи колачиња за да го подобри вашето искуство. Со прифаќање се согласувате со политиката на приватност колачиња. ПрифаќамПовеќе