Вие сте на официјалниот портал на Радио Кочани.
Според Програмата за одржување на фонтани на Општина Кочани, за 2026 година се предвидени вкупно 400.458 денари за одржување на градските фонтани.
Од нив, 200.458 денари се наменети за фонтаната „Зрно“, а 200.000 денари за фонтаната во Паркот на Револуцијата.
Сепак, и покрај предвидените средства во општинскиот буџет, граѓаните реагираат дека фонтаните и оваа година не се ставени во функција навреме.
Иако летната сезона е во тек и високите температури веќе се секојдневие, фонтаните во градот сè уште не работат, оставајќи впечаток на неодржуван јавен простор во период кога тие треба да придонесат за поубав амбиент и освежување во урбаното јадро.
Непосредно по објавувањето на прилогот на радио Кочани, Локалната самоуправа реагираше експресно при што во Паркот на Револуцијата, фонатаната се полнеше со вода и се очекува во текот на денешниот ден да биде ставена во функција.
