Бесплатни стоматолошки прегледи за повредените од пожарот – во „Свети Козма и Дамјан“

По трагичниот пожар што го потресе Кочани, продолжува грижата за повредените граѓани преку конкретни и навремени здравствени мерки. Во таа насока, Клиника Св. Козма и Дамјан се вклучи со значајна иницијатива, обезбедувајќи бесплатни стоматолошки прегледи за сите лица кои биле изложени на чад и токсични гасови.

Стручните лица предупредуваат дека вдишувањето на јаглерод моноксид може да предизвика сериозни последици врз оралното здравје – од воспаленија и инфекции, до долгорочни оштетувања на непцата и забите. Токму затоа, навремената реакција и контрола се од клучно значење.

Клиниката покажа висок степен на професионалност и општествена одговорност, ставајќи ги на располагање своите ресурси и експертиза во служба на граѓаните. Овој потег претставува вистински пример за хуманост и солидарност во моменти кога заедницата има најголема потреба од поддршка.

Со оваа иницијатива, Клиника Св. Козма и Дамјан не само што придонесува кон заштита на здравјето на повредените, туку и испраќа силна порака дека медицинската грижа и човечноста одат рака под рака.

Надлежните апелираат сите кои биле изложени на чад да ги искористат бесплатните прегледи, со цел навремено откривање и третман на евентуални последици.