Вие сте на официјалниот портал на Радио Кочани.
Општина Виница за годинава најавува вистинска празнична атмосфера со новогодишниот фестивал „ViniLand“, што ќе се одржи од 24 декември 2025 до 6 јануари 2026 година на градскиот плоштад „Ангел Винички“.
Програмата е богата, разновидна и наменета за сите генерации – од најмладите, до повозрасните љубители на добра музика и празничен амбиент.
Фестивалските активности ќе започнат на 24 декември со детски филмови во кино салата, музички настапи на учениците од ООУ „Гоце Делчев“ и ООУ „Славчо Стојменски“, како и вечерна забава со DJ на плоштадот.
Во следните денови граѓаните ќе уживаат во:
Новогодишен базар со ракотворби, празнични производи и локални специјалитети Забавна музичка програма со настапи на основните училишта Детски театарски претстави како „Подарок што не се купува“, „Дедо Мраз и Аладин“, „Новогодишен случај во волшебната шума“ и други Баскерфест Ране и уметнички акробации Божиќен концерт на ученици од музичките школи Изложба на творби од ученици и промоција на книги Бадникови поворки и делење пакетчиња за најмалите
Секоја активност е внимателно распоредена низ деновите, со цел да се овозможи постојана празнична атмосфера на плоштадот. Целта – празнична радост за сите.
Фестивалот „ViniLand“ годинава носи богат спој на музика, театар, уметност, базар, семејна забава и празнични традиции.
Градоначалникот Митко Костадиновски ги повикува сите граѓани да присуствуваат на настаните, а доплнително ќе има и големо изненадување за сите.
Исто така, „Viniland“ има своја инстаграм страница каде организаторите ќе бидат известувани за настаните.
Сите настани ги има на фотографијата веднаш под текстот.
