Крводарителска акција во Полициската станица – Кочани – Последна за оваа година

Денес, во големата сала на ОВР – Кочани, се спроведе последната крводарителска акција за годинава, на која крв даруваа вработените од Полициската станица.

Активноста ја реализираше Општинската организација на Црвен крст – Кочани и Институтот за трансфузиона медицина  – Скопје.

За деталите околу денешната акција зборуваше Сашка Стојанова од ОВР – Кочани.

Во текот на една календарска година, вработените во ОВР – Кочани, крв даруваат и во месеците март и јули.

Инаку, за наредниот четврток е закажана редовната ноемвриска крводарителска акција, која се спроведува секој последен четврток од месецот во просториите на Црвен крст – Кочани.