Во кругот на ТППЕ Кочани одбележан денот на македонските пожарникари

Во кругот на територијалната противпожарна единица на Град Кочани  денеска беше одбележан 20 Мај – Денот на пожарникарите.

Градоначалникот Љупчо Папазов им се заблагодари на кочанските пожарникари и пожарникарите доброволци  за професионалноста, посветеноста и пожртвуваноста што ја покажуваа секој ден вршејќи ја својата професија, во заштита на безбедноста на граѓаните.

Потоа следуваше и доделување на  наградата за најдобар пожарникар во 2023 година и Награда за најдобар доброволен пожарникар за минатата година.

Една од најхуманите професии е онаа на пожарникарите. Кога ние се повлекуваме, тие херојски застануваат во првите борбени линии. Во борба против огнената стихија, секојдневно изложени на ризик, но и со голема одговорност.

Радио Кочани на нашите пожарникари им го честита празникот и им посакува што помалку работа во оваа тековна 2024 година.